Kiwa mylla tih mooyong kiwa da mynsoo nei pdung ka krem mooyong ha Mynsngat, Thangskoo, East Jaiñtia Hills da chitom joor ki wei boon na ki toh kiwa chah sumaar ha NEIGRIHMS, Shillong.
Katkam ka yutip na kiwa pynlai ka Hospital, uwi wa chah sumaar wa tip kam u Noor Bahadur da yap noh u katwa 8 ngut won dang chah sumaar ki ha katai ka hospital.
Ya kiwa mynsooo da wanrah ha NEIGRIHMS jar jiar i por heipor kamwa chiteiñ synyaaw ka 5 tarik.
Da khana wa u Raju Tamang wa u Jamil Ahmed em ki hei chitom wa jooor, neibhah i iñ da man i 70-75% wei da booh ya ki ha Critical Care Unit ryngkat ki Ventilator.
Ki 2 ngut won, u Dev Malakar wa u Lalit Magar da sumaar ya ki ha Medical ICU khlem pyndait Ventilator tangwa kini ki ar ngut leh rap chitom ki.
Chooh chooh u Bom Bahadur, u Dawa Sherpa, u Korna Mangal wa u Sanki Shylla uwa da iñ 60% i doh i pran da chah sumaar ki jar jiar hapoh i pait ki Doctor Specialist neibhah kini leh da mynsoo joor ki.
Neiliang ki bor pynlai ka Hospital da ong ki wa ki Doctor nadooh kiwa pait ya ka Plastic Surgery, ki Critical Care Specialist wa kiwi ki Doctor dang yaleh ki katwa ye wow e i sumaar wa paka tam wei wow pynlait im ya waroh kiwa mynsoo.
Discussion about this post