Lai kem mooyong ki bor sorkar na 21 tylli ki thaw wa em ha East Jaiñtia Hills

Ka yung krehkaam u DC ka East Jaiñtia Hills District da pyntip paidbah ko wa i thooh ya kiwa chah ktah nei pdung ha ka krem mooyong wa em ha thaaiñ Mynsngat-Thangskoo da ki bru ka NDRF, SDRF, Special Rescue Team (SRT), ki pulit wa ki bor District dang pteiñ i heiwa ynne da chem sa ar tylli ki metyap iwa mut wa waroh kiwa da yap da em ki 27 ngut.

Ka krem mooyong wa chah ktah da thooh bha ka ynne wei daw pteiñ biang mynstep i step yow pyntikna wa da pyndep u psiah cha waroh ki thaw.

Da pyntip leh wa ki bor District da pynjoor ki yei lai kynreh ya ki thaw wa pynman yei tih mooyong pyrchah aiñ deiwa em 5 tylli ki Team wa yahkhmat da ki Executive Magistrate, ki pulit wa ki heh ka chnat Directorate of Mineral Resources (DMR).

Da kem leh kamwa 3197 MT u mooyong na ki 9 tylli ki thaw wa em hapoh ka Umlawang wa kamwa 351 MT na ki 4 tylli ki thaw wa em ha Umthe.

Related posts

Booh ka sorkar USA ya ka Map wa pura ka India | Chrai ka Pakistan

February 7, 2026

Pyrchah ka JHTOA yei thmu pynman Election | Da kyntu ya ki bor District wow chimkhia yow lait u mih i awri awra

February 7, 2026

Ha ka 6 tarik da kem ya u mooyong uwa kamwa 3,356 MT na 8 tylli ki thaw wa em ha ka thaaiñ Sakhain–Thangskoo deilang wa ki tiar ki tar wa pynemkaam.

Da lai leh wow tympra ya ki thaw sah wa pynemkaam ki bru wa tih mooyong pyrchah aiñ wei da booh leh ki FIR heiyatoh wa ini.

Da pynkrehkaam leh ya ka Section 163 BNSS da u District Magistrate, East Jaiñtia Hills District yow yada na iwon iwon iwa maa kamjooh yow yarap ya ki bru sorkar wow leh ki yei kaam yong ki.

Da kyntu leh ya ki paidbah wow ya krehkaam ki wa ki bor District wei wym toh de u leh ya ki kaam tih mar pohkhyndaw pyrchah ya ka aiñ.