Khlaad sa uwi uwa mynsoo neiwa jia ha krem mooyong wa em ha taaiñ Mynsngat-Thangskoo | Ku cha 28 ngut kiwa yap

U DC ka East Jaiñtia Hills District da pyntip u wa i thooh ya kiwa chah ktah nei pdung ha ka krem mooyong da pteiñ i ynne ka sngi ha thaaiñ Mynsngat, Thangskoo da ki bru ka NDRF, SDRF, Special Rescue Team (SRT), ki pulit deilang ki bor District.

Kamwa jia ynnin, ynne leh ym em chem metyap tangwa uwi uwa mynsoo uwa chah sumaar ha NEIGRIHMS Hospital, Shillong uwa tip kam u Raju Tamang (34 snem) da khlaad noh u iwa mut wa kiwa yap neini wa jia da ku cha 28 ngtu.

Related posts

Siat uwi ya ka kynthai dep tæ siat u ya idæ hapoh College | Yoh u riñ da ka CCTV

February 9, 2026

₹7 lak e kti u Sniawbhalang Dhar cha ka Mynkrem Sports Club yow pynbha pynmiat ya ka madanbol

February 9, 2026

I thooh ya kiwa chah ktah da pynkut ki ynne heipor 5:00 waje i janmiet.

I lai kem lai ya u mooyong wa tih pyrchah aiñ da pteiñ i da ki Executive Magistrate, ki pulit deilang ki bru ka Directorate of Mineral Resources (DMR) heiwa da kem kamwa 6 MT ha ki bynta ka thaaiñ Lumshyrmit wa Cham Cham, da yoh leh u kem kamwa 10 MT na rood sarok hajan ka chnong Cham Cham wa Mukhaialong, kamwa 2 MT da yoh wow kem na rood sarok ka chnong Mutong wa Mukhaialong wa kamwa 20 MT na chnong Pynthorsale.