Khlaad sa uwi uwa mynsoo neiwa jia ha krem mooyong wa em ha taaiñ Mynsngat-Thangskoo | Ku cha 28 ngut kiwa yap

U DC ka East Jaiñtia Hills District da pyntip u wa i thooh ya kiwa chah ktah nei pdung ha ka krem mooyong da pteiñ i ynne ka sngi ha thaaiñ Mynsngat, Thangskoo da ki bru ka NDRF, SDRF, Special Rescue Team (SRT), ki pulit deilang ki bor District.

Kamwa jia ynnin, ynne leh ym em chem metyap tangwa uwi uwa mynsoo uwa chah sumaar ha NEIGRIHMS Hospital, Shillong uwa tip kam u Raju Tamang (34 snem) da khlaad noh u iwa mut wa kiwa yap neini wa jia da ku cha 28 ngtu.

I thooh ya kiwa chah ktah da pynkut ki ynne heipor 5:00 waje i janmiet.

I lai kem lai ya u mooyong wa tih pyrchah aiñ da pteiñ i da ki Executive Magistrate, ki pulit deilang ki bru ka Directorate of Mineral Resources (DMR) heiwa da kem kamwa 6 MT ha ki bynta ka thaaiñ Lumshyrmit wa Cham Cham, da yoh leh u kem kamwa 10 MT na rood sarok hajan ka chnong Cham Cham wa Mukhaialong, kamwa 2 MT da yoh wow kem na rood sarok ka chnong Mutong wa Mukhaialong wa kamwa 20 MT na chnong Pynthorsale.

Related posts

Heipor wa e sikai pynemkaam JCB pynchna syndon ya ka luti yongrim wa jooh lai ki syiem na Jaiñtiapur cha Nartiang

November 6, 2026

Yoh ki ar tylli ki thaw sumaar ka West Jaiñtia Hills yei tipmit na ka National Quality Assurance Standards

November 6, 2026