Ha i pyrchang wow pteiñ wow e yarap wei yieñ skem neibynta wow pynlai chaphrang ki kaam paidbah, neiliang u Symbood Montri Rangbah uwa man leh u MLA ka Nartiang, u Sniawbhalang Dhar da e kti u ya ka poisa kawa ₹8 lak cha ka Balang Presbyterian Moorathud.
Ya kani ka poisa da e kti cha kiwa yahkhmat yong ka Balang deiwa emlang ki kattu katni kiwa yahkhmat ka chnong wei ini daw yarap ko ya ka Balang wow pyndep ya ki kaam pynroi wa ki kaam yarap paidbah neibynta i myntoi yong ki para wa ngait wa ka chnong ka thaw hi waroh kawi.
Hawa e yei klam, u Sniawbhalang Dhar da ong u wa ini i e kti toh i yieñ skem yong oo wow yarap ya ki Balang, wow pynneh yei yatylli, i ya maya wa i chong chngaaiñ hapyrdi ki paidbah.
Neiliang kiwa yahkhmat ka Balang da pynsñiaw ki yei sñiawngooh ya u MLA neibynta i yarap wa rap emkaam wei da wan i leh heipor wa biang.
Discussion about this post