Siat uwi ya ka kynthai dep tæ siat u ya idæ hapoh College | Yoh u riñ da ka CCTV

Ha iwi iwa jia wa da yoo chyrkhei iwa da jia ha Mai Bhago Law College, Tarn Taran ka jylla Punjab ynne ka sngi, heiwa uwi uwa lai puræ da siat u ya kawi kawa lai puræ hapoh ka kamra kani ka thaw puræ wei da siat u ya idæ neidaw wa chah kyntait u ha kani ka kynthai wow bia wa oo.

Ya waroh ini wa jia da yoh wow riñ da ka CCTV wa booh hapoh ka kamra (Classroom) kani ka College.

Uni u chynrang da tip kam u Prince Raj uwa chong chnong ka Mallian, katwa ka kynthai won da tip kam ka Sandeep Kaur, kawa na chnong Naushehra Pannuan, wa jngai kamwa 12 Km na ini i thaw jai i.

Ki pulit da ong ki wa ka Sandeep Kaur da khlaad ko pyn ha ini i thaw wa jia, katwa u Prince Raj won siat u pyn ya oo hi na khlieh wei da em u hei chah sumaar u.

Related posts

Da i yung thymme chna ki khynroo ka chnong Madur ya kawi ka manyung wa dooh

June 7, 2026

I Cancer wa ktah ya u rdang wa i ktien toh iwa boon dooh kiwa yoh ha Meghalaya | Rs. 7 lak yarap poisa ka sorkar

June 7, 2026

Katkam wa yoh riñ da ka CCTV, u Prince Raj da psiah u chapoh Classroom deiwa kieñ muna ha tympha chwa u sdang Class wei da yaklam u wa ka Sandeep Kaur deilang wa kawi ka kynthai chwa wow lai chong ki chadien dooh ka Classroom.

Hadien kattu katni por, u Prince Raj da yieñ u wei da wai u ya ka muna deiwa sai ya kawi ka Pistol wei da siat u ya ka Sandeep Kaur na khlieh hi wei hadien wa Re-load u da sait u ya idæ na thnga.

Kiwa ha-yung ka Sandeep Kaur da ong ki wa u Prince Raj da pyndik u ka da boon bnai wei da wan u leh cha yung ki le sien yow tyrwa bia, tangwa kiwa ha-yung ka Sandeep da kyntait ki oo deiwa ong wa toh u pynlut por chwa yei puræ puthi.

Chi sngi chwa wow jia ini, u Prince da ong u wa lada ym yoh u ya ka Sandeep, ym em wow ye u yoh ka heipor wa yaklam Phone u wa ka.

Ki pulit da suba ki wa kani ka Pistol toh ka yong u pa u Prince uwa jooh man kam u CRPF.