Hadien wa da poor i Video wei da chah beiñ kawa kreh ka HDFC Bank heiwa ki bru da ong ki wa da yoobeiñ ko leh ya kiwi ki kur ki jait deiwa kheiñ khroo jait ko ya ka hi neidaw wa ka thoh ka Thakur.
Neiliang yong ka ynne da pynche paidbah ko wa ini wa jia ym em yatoh i wa kiwon kiwon ki Customer ka Bank wei ki paidbah da chah yahbakla ki.
Da khana ko wa ini jia i ha ka 6 tarik uni u bnai neidaw u kurim kawa ya krehlang ko uwa klam khor uwa klam khlem akor wei da psiah u chapoh ka Bank hadien wa da kut i por wa pdiang ya ki paidbah wei da kylli u ya ka kayi ka Caste ko wei manda sdang ko u klam da riñ Video ki ka wei iwa klam ko toh hawa jubab ya uni u bru.
Wei i pynmih ko yei kur (Caste) yong ka toh wa kylli u ya ka kayi ka Caste ko wei da jubab ko wa ka toh ka Thakur wei sñiawsarong ko yeini.
Chooh chooh da pynche ko wa kani kawa krehlang wa ka da Resign ko ha katai ka sngi wa jia wei da kwah ko wow pynlait ka nei kreh ha ka jooh ka sngi heiwa da wan leh ka diah u kurim kawa Resign nadooh i step heiwa da mih leh i yamai hapyrdi ki wei da lai khana won ko cha uni u bru uwa da wan chapoh ka Bank heipor 4:30 i janmiet heiwa da sdang u wow pynkhor ka deiwa kylli bait ya ka Caste yong ka neidaw wa leh sarong bha ko.
Tangwa kiwa boon won da sñiawthooh bakla ki yeini wa jia deiwa ong wa ka toh ka bru wa sih.
Da pynche ko leh wa kawa krehlang waka kawa da Resign toh ka Brahmin.
Discussion about this post