Uwi u bru da khlaad noh u hadien wa ka Jeep kawa yah u da haap ko cha riat ha ka chnong Makoibari, Mawdiangum ka Ri-Bhoi District ynne ka sngi.
Katkam ka khubor wa da yoh, ini da jia i heipor kamwa 1:20 i sngi, wei kani ka Jeep toh kawa em Number ML-10-1027, kawa yah da u Rymphangsngi Blah (65 snem) uwa na ka chnong Saiden, Ri-Bhoi District, wei ini da jia i heipor wa dang mih u na Makoibari yow lai cha Mawdiangum.
Da ong wa ha itai i por ka kari da yap syndet ko, heiwa uwa yah da pyrchang u wow pynim ya ka deiwa booh ha u Gear, tangwa ym em krehkaam i wei ka kari da haap ko chapoh riat deilang uwa yah uwa da mynsoo joor.
Ya uni uwa yah da kit wut-wut cha Bethany Hospital, Nongpoh yow yoh yei sumaar, tangwa ki Doctor da pyntip ki wa da khlaad noh u chwa wow poi cha Hospital.
Neiliang kiwa ha-yung ha-sem da kyrpaad ki wow pynlait nei leh Post-Mortem, wei hadien wa da pyndep katkam ki kyndon ka aiñ, neiliang ki pulit da e kti ki yei metyap yow pyndep ya ka niam ka rukom.
Discussion about this post