Ka sorkar Meghalaya lyngba ka chnat Tourism da pynman ko ya ka yalang wow e kti yei thaw yow chna ya ka Holiday Inn Resort, Tura da ka InterContinental Hotels Group (IHG) ha Hotel Polo Orchid, Tura deiwa sakhilang u Chief Minister, u Conrad K. Sangma kam u kongsan deiwa emlang u Tourism Minister, u Timothy D. Shira, u Minister ka PHE, Soil & Water Conservation and Housing, u Marcuise N. Marak deilang wa kiwi de ki heh sorkar chirup kiwa mihkhmat ka IHG.
U Conrad hawa e yei klam da ong u wa ym jooh em ye u mutdur wa ka Tura daw yoh ko ya ka Five-Star Hotel heiwa nyngkong da mut wow wanrah da ka Four-Star tangwa da rai wow lai chakhmat wow wanrah da ka Five-Star Hotel neibhah i yaphær man i iwa heh bha.
Da khana u wa cheini da pynlut da jan dap ₹130 klur wei kani ka thaaiñ daw kylla dur ko kamtæ da jied syndon leh wow wanrah da ka Five-Star Hotel neibhah hawa wan ka laad ka kabu ymtoh u pynsepai ka.
Hawa jubab ya kiwa beiñ da ong u wa emkaam deiwa miat ha waroh ki liang nadooh ki luti ki syngkieñ, ki Hospital, ki skur, ka um dih kamjooh leh emkaam hi u em ki Hotel.
Ka Five-Star Hotel wanrah ko leh yei khih i khan deilang ki Tourist kamjooh ki bru wa emkaam wow pynman Conference, pyndap ki yei emkaam ki Corporate najrong kiwi de iwa emkaam ki bru wa thooh thaw sah.
Ka Five-Star Hotel wanrah ko leh ya ki Tourist kiwa ye wow pynlut chiboon, we ye ki leh wow pynbiang yeiwa emkaam ki VVIP wei ki Homestay toh neibynta kitu kiwa kwah wow maad kammon im ki bru nadooh ka dustur riti, i baam wa kiwi de, kamtæ da emkaam ki thaw sah wa boon jait, da ong u Conrad.
Discussion about this post