Ka sorkar India da pynmih hukum ko deiwa khana ya ki kyndon cha ki sorkar jylla kamjooh ki chnat yong ka heiyatoh wa i rwai Vande Mataram iwa man kam i National Song ka ri wa hap wow rwai næ tem ya ini i sur chwa i sur National Anthem, i Jana Gana Mana ha ki yalang sorkar wa ha waroh ki skur wei hap wow yieñ waroh hawa tem yei sur.
Da hap leh wow tem ya ka National Song ha waroh ki Civilian Award Ceremony kam ka Padma Awards wa ha waroh ki yalang wa em ka President heipor wa wan ko wa heipor wa liwan ko.
Daw hap leh wow tem ha ki thaw paidbah kam ki Cinema Hall tangwa ym emkaam wow yieñ ha kini ki kynti.
Ka sorkar pyrdi da phah ko leh wow tem næ rwai ya waroh 6 tylli ki Stanza wa kynthup ya ki 4 tylli kiwa da pyndam da ka Congress ha u 1937.
Heiyatoh wa ini wa da pynbna ka sorkar pyrdi, neiliang ka All India Muslim Personal Law Board da pynsñiaw ko yei pyrchah wow hap rwai ya waroh ki dkhot i sur neibhah man ko pyrchah ya ka Constitution, deilang i laitlooid niam, i wym leh chiliang ya kawon kawon ka niam kamjooh pyrchah ya ka hukum ka Supreme Court.
Da ong wa ha ini i sur Vande Mataram da em ki kyntien wa mane ya ka Durga wa kiwi de ki blai iwa man pyrchah yeiwa ngait ki Muslim wei ym ye wow pdiang yeini neibhah ki Muslim mane ki du ya uwi donhi u blai utæ u Allah khlem da emyatoh wa kiwi de ki blai.
Chooh chooh da ong wa ki yung bichaar ka India neipor cheipor da ong ki wa ki kyntien wa em ha ini i sur wym em yahaap i wa i man i long heiyatoh wa i ngait niam kiwi hapoh ka ri wei da khang leh yei rwai ki.
Ka All India Muslim Personal Law Board da ong ko wa lada ym pyndam ka sorkar yeini wa pynbna ko daw lai ko cha ka yung bichaar yow pyrchah yeini.
Discussion about this post