U Prime Minister ka ri India, u Narendra Modi da jied u ya i dur ka lama India na madan kawa da booh kam ka dak wow tip thaw yieñ ki heh ri hadien ka yalang ka QUAD Leaders’ Summit ha Manila, Philippines ynne ka sngi.
Kani ka yalanga yong ka QUAD kawa man ka seiñ ki ri wa kynthup ya ka India, USA, Japan wa ka Australia.
Ha ki Video wa da poor bha ha Social Media da yoo ya u PM Modi wa lai u hadien ka Prime Minister ka Japan, ka Sanae Takaichi heiwa da dem u wow jied ya ka lama le rong ka ri wei da bood won ya oo da u President ka USA, u Donald Trump wa u Prime Minister ka Australia, u Anthony Albanese.
U Modi mar yoo ya i dur ka lama da jied u ka na madan wow thap ka ha kata u katwa u Trump da jubab u deiwa ong “Save it” namo ieh ka heitu.
Chwa ini ha u August 2023 u Modi da jied u ya ka lama ka India na madan wa da booh kam ka dak wow yieñ ki heh ki ri chwa wow chondur ha ka BRICS Summit wa man ha Johannesburg, South Africa.
Ini i jied u Modi ya ka lama ka ri da yoh i yei yaroh na kiwa boon walang.





Discussion about this post