Ka Football for Schools (F4S) Programme kawa em hapoh ka Ministry of Education ka sorkar India deiwa ya krehlang wa ka FIFA, da pynman ka ha ka 13 tarik ha Jawahar Navodaya Vidyalaya, Rymbai, kawa man ka Nodal Centre ka East Jaiñtia Hills District wei ka thong toh yow pynsuk ya ki khynnah u yoh u yalehbol deiwa pynman yei yaleh Sports kam chibynta ka puræ puthi yow yoh leh yei chait i khiah.
Kam chibynta ini da saam ya ki bol deiwa emlang u District School Education Officer (DSEO), East Jaiñtia Hills District, u R. Diengdoh deilang u Principal ka JNV Rymbai, u Dr. R. Kumar, ki khynnah, kiwa sikai wa kiwi de.
Neiliang u DSEO hawa e yei klam da ong u wa i yalehbol ym du man ko kam ka Sport tangwa kawa sikai kammon wow ya krehlang, u man kiwa ryntih wei kiwa raikut.
Da pynchlur u leh ya ki khynnah wow chim kabu ya kani wei wow kreh chitom yow man kiwa pliah hei yalehbol.
Kam chibynta kani ka Football for School da saam 112 tylli ki bol ka FIFA cha ki 29 tylli ki skur ka East Jaiñtia Hills District.
Ha kani ka sngi da yoh leh yei chaad na ki khynnah skur wei da pynman leh ya ka Friendly Football Match hapyrdi ki khynnah ka JNV Rymbai wa ki khynnah na kiwi ki skur wa wan embyntalang.
Discussion about this post