Daw pynman ya ka General Meeting ka Kur Sari ha Muthlong

Ka Seiñ Kur Sari Seiñ Bei daw pynman ko ya ka General Meeting kawa 3 yong ka kur haka 21-02-26 ha ka chnong Muthong, West Jaiñtia Hills District heipor 10:00 waje i step.

Neiliang ka Seiñ Kur Sari khut ko ya phi ki khon ka Kur Sari kiwa chong wa sah kyllieñ ki thaw ki bhaw hapoh ka jylla Meghalaya yong i wow sñiawbha phi u ya wan cha katai ka General Meeting ka kur.

Ha kani ka meeting daw yoh chiboon i snieñ i kroo na ki waheh wasian wei kamjooh leh daw yoh i batai pynche chaphang i chim jait na ka Bei wei kamjooh leh daw yoh phi i yaklam chaphang ka hukum namo ka Notification wa da pynmih da ka Jaintia Hills Autonomous District Council.

Kamtæ da khutlang ya phi wow sñiawbha phi u pynlait yei por wa kordor yong phi.

Related posts

Yow krum sa ka Ropeway kawa ₹151 klur hawa da em ka sarok 4-Lane yow lai cha Shillong Peak: TUR

October 25, 2026

Wa da kot u yaichah ya kiwa yahkhmat ka UDP ki wym kheiñkor ya u MLA, lai bood ki dkhot ka UDP 4-Mowkiaw ya u Nujorki cha ka NPP

October 25, 2026

Kani toh katkam i pynlait khubor u Standbyme Sari, General Secretary ka Seiñ Kur Sari Seiñ Bei.