La 7 ngut kiwa chah kem neiwa jia ha Mynsngat Thangksoo

U Superintendent of Police ka East Jaiñtia Hills, u Vikash Kumar da pyntip u wa heiyatoh wa i khayi mooyong tooh iwa man pyrchah ya ka hukum ka NGT, nadooh na ka 1 tarik u January 2026 da kem ya 14 ngut ki bru.

Da Register hadooh 69 tylli ki Case (5 tylli toh chwa i jia ha Mynsngat, Thangskoo), heiwa 62 tylli kiwa yatoh wa i tih mooyong tooh, 5 tylli wa kit mooyong tooh, 2 tylli kiwa yatoh wa ki tiar tympdung wa suba wa pynemkaam hei tih mooyong.

Da khyrrup hadooh 15,224 MT u mooyong wei dang em uwa ympu em kheiñsap ka DMR, da em 5 tylli ki kari wa chah kem, 25.5 kg u Dynamite wa 74 tylli ki Detonator.

Kiwa chah kem nei jia ha Mynsngat Thangskoo em ki 7 ngut waroh heiwa kiwa dang chah kem em ki ar ngut kiwa kynthup ya u Ernest Swer wa u Rangsing Syiemlieh wa khut sin u Mithun.

Related posts

Da i yung thymme chna ki khynroo ka chnong Madur ya kawi ka manyung wa dooh

June 7, 2026

I Cancer wa ktah ya u rdang wa i ktien toh iwa boon dooh kiwa yoh ha Meghalaya | Rs. 7 lak yarap poisa ka sorkar

June 7, 2026

Kiwi kiwa da chah kem toh u Forme Chyrmang, u Shamehi War, u Yoomiki Syih, u Process Dkhar wa u Tensing Suchiang.

Chooh chooh da em ar ngut kiwa tih mooyong tooh na Umthe wa kynthup ya u Sahanaj Uddin wa u Abansan Syrti, kiwa chah kem wa ki tiar tympdung na Umpleng em ki le ngut, kitæ u Narayan Majumdar, u Salim Uddin Choudhury wa u Safrul Islam Choudhury katwa ki ar ngut wa chah kem wa kit mooyong tooh na Umkiang toh u Rishna Sutnga wa u Skhemborlang Kshiar.