Da ka Drafting Committee chna ka Dorbar Ki Waheh Kur Ri Jaiñtia ka wow booh dei thoh i tar ya kiwa chim kur na ka Bei

Hadien wa ka Jaiñtia Hills Autonomous District Council (JHADC) haka 28-01-2026 da pynmih ko ya ka hukum næ ka Notification wow tipmit ya ki 244 tylli ki jait kur wa haap hapoh u pood u ang yong ka, hajrong ini haka 14 tarik uni u bnai haka yalang yong ka Dorbar Ki Waheh Kur Ri Jaiñtia wa da pynman ha Community Hall ka Tpep Pale, Jowai hei emlang ki President, ki General Secretary waphær waphær ki kur, da pynsñiaw ki yei pdiang ya kani ka Notification wot hawa dang em i bynta wym pu che bha.

Hanla kattæ leh da e khublei haroh ki ya u CEM ka JHADC, u Thombor Shiwat deilang ki dkhot Executive Committee hajrong i chimkhia yong ki u pynyoh i tipmit ya ki Kur kamwa dadep dawa ki neipor cheipor.

U President ka Dorbar Ki Waheh Kur Ri Jaiñtia, u Khroo L Pariat hawa klam hadien ka yalang khana u wa ha kani ka sngi da chna ki leh ya ka Drafting Committee deiwa thung ya u Dr. P. Nongtdu kam u Chairman wa u Elad Suting kam u Secretary, heiwa kani ka Committee u booh ryntih noh ko dei thoh i tar ya ki jait Kur wa chim jait naka Bei, neibhah wa mih i kulmar nei em kiwa chim jait Pa wei ka Dorbar Ki Waheh Kur Ri Jaiñtia neidaw wa ka kur ka jait wan ko naka Bei kamtæ kwah ki leh u pynskem yeini.

Kani ka Drafting Committee daw thoh bniah bha ko ya kani ka bynta, najrong u booh ko leh dei thoh yei rukom synchaar ki Kur kamjooh leh ka bynta wow pynsakhiat heiyatoh u yoh Schedule Tribe.

Ong u ya kani ka Drafting Committee da e por 3 bnai u pyndep ki ka, hadien neitæ yow phah cha ka District Council neibynta u yoh i tipmit da ka aiñ.

Heijooh i por kyrpaad haroh u ya waroh ki Seiñ Kur wow booh noh ki dei thoh ya ka parom ka Kur yong ki wa kammon sdang ki ka wei kiyi de ki jait Kur wa dang ya kam Kur ki.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

Da pynsñiaw haroh ki yei bynta wa ki Seiñ Kur ya tyngkhooh ki heiyatoh waka Registration, neibhah wa ya ki Seiñ Kur leh da pynhaap hapoh ka Society Registration Act næ da kawi ka aiñ wow tipmit ka sorkar India ya kini ki jait Seiñ Kur wa em ha ri India, tangwa hajrong ini ong u wa sñiawkhia bha ki wa da chah pynhaaplang khamtam wa ki toh kiwa synchaar yaka jaitbru haka jylla Meghalaya.

Ya kani ka bynta leh daw thoh ki cha ka District Council yow tipmit ya ki Seiñ Kur da ka aiñ khnang yow lait u ya tyngkhooh ki wa ki aiñ ka ri India, itæ toh dei wow tipmit kyrpang yei synchaar tre ri tre muluk, najrong wa daw kyrpaad ki leh ya ka sorkar jylla.