Ka National People’s Party (NPP) da pyndooh Ticket ko ya u Chief Executive Member (CEM) ka Garo Hills Autonomous District Council (GHADC), u Albinush Marak, hawa pynbna ya ki kyrtong wow e reiñ ha ka Election MDC kawa daw man noh.
Hawa pyntip yeini, u Working President ka NPP, u Marcuise Marak da ong u wa i pyndooh Ticket ya u CEM uwa man u MDC ka Siju toh hajrong ka yurim wa em i artatien wym jop u ya ka Election wa daw wan.
Neiliang u Marcuise da pyntip u wa ka Party da kyrpaad ko ya u Albinush wow ya krehlang u wa ini i rai yong ka Party.
Na Siju ka NPP da pynbna ko dei pyrtuid u Calis G. Momin.
Da pyntip u leh wa ka Party da mynjur ko ya ka thup wa nyngkong yong ki 24 ngut ki kyrtong wow yakhun ya ka Election GHADC wow wan, wei da jied deiwa pait ya ki kyrtong kiwa ye u jop, kiwa neh slem wei kiwa chemphang ha ka saaiñ pyrthai ha ki snem wa da lai.
Da pynrap u wa ka State Election Committee wa yahkhmat da u Prestone Tynsong, da e ko yei mynjur ya ka thup pyrtuid hadien wa e yumut ka Regional Committee.
Discussion about this post