Kular u Nujorki wow pynyoh thaw neibynta ka Water Supply Scheme ka Mukhap-Mowkaiaw-Mowtyrshiah

U MLA ka Mowkaiaw, u Nujorki Sungoh ynne ka sngi wa ar ka dorbar mang tangka da kylli u heiyatoh wa ka Water Supply Scheme neibynta ki chnong Mukhap-Mowkaiaw-Mowtyrchiah.

Hawa e yei jubab, neiliang u Montri ka chnat PHE, u Marcuise N Marak da ong u wa daw pynkhreh ya ka DPR mar ya yoh yei thaw wa emkaam yow chna ya ka Dam wa ka Water Treatment Plant.

U Montri da pyntip u leh wa ha ki soo tylli ki chnong, ka Mowkaiaw, Mowtyrchiah-A, Mowtyrchiah-B wa Mukhap da em 9058 ngut kiwa chong chnong katkam ka Census u snem 2011 wei ki manyung em ki 1387 tylli.

Related posts

Nadooh u 2021 da chem 658 ngut ki Bangladeshi wei da pynliwan ya ki 194 ngut: Prestone

February 17, 2026

Yap ar ngut heipor wa dang chna Bomb

February 17, 2026

U Nujorki da pyntip u wa da lai palat 10 snem nadooh wa leh ya ka Census wei kattæ ki manyung da em ki palat 2300 tylli wei kiwa chong chnong da jan dap 15,000 ngut. Da kular u leh wow pynyoh yei thaw neibynta kani ka Scheme.

Tangwa neiliang u Montri da ong u wa ka sorkar hadooh kattæ ym pu em yoh ko yei thaw, kamtæ u Nujorki da yieñ u wow pyntip wa ki heh ka chnat ka PHE dadep ki wow yachem wa uwi u waheh chnong uwa da kular wow pynyoh yei thaw.