36 ngut ki Consultant wa 59 tylli ki Consultancy Firm wa thung ka sorkar | 1500 ngut kiwa chong chnong wa yoh kreh: Conrad

U Montri Rangbah ka jylla u Conrad K Sangma hawa e yei jubab hapoh ka yung dorbar ynne ka sngi yeiwa kylli u Heavingstone Kharpran, MLA da ong u wa ki Consultant wa da thung da ka sorkar da em ki 36 ngut wa 59 tylli ki Consultancy Firm.

Iwa su cha ki chi snem neibynta uwi u Consultant deiwa kheiñ man-u-bnai toh Rs. 4.35 klur neibynta u snem 2024-25 katwa ya ki Consultancy Firm ym em su ya ki da ka tulop, da su ya ki da ka Consultancy Fee deiwa ye ki u pyndep katkam ka Contract wei iwa dadep su cha ki man ko Rs. 131.73 klur.

Da pyntip u leh wa i thung ya ki Consultancy Firm toh lyngba i thap Tender katwa ya ki Consultant won em dei khut kreh wei da pynman leh ya ka Interview wei lada emkaam da pynman leh da ki Exam.

Heiyatoh wa ki chnat sorkar wa em ki Consultant, u Conrad da pyntip u wa em 10 tylli ki chnat kiwa pynemkaam da ki Consultant katwa ki Consultancy Firm won da em ki ha ki 13 tylli ki chnat.

Related posts

Dawa ka JNC wow chna pynmiat ya ki sarok chnong wa da sih ha Khliehriat

February 17, 2026

Nadooh u 2021 da chem 658 ngut ki Bangladeshi wei da pynliwan ya ki 194 ngut: Prestone

February 17, 2026

Da pynche u leh wa i em kini ki Consultant wa ki Consultancy Firm ymtoh wym hoi kiwa kreh sorkar tangwa ki Consultant næ ki Consultancy Firm won toh kiwa pliah u leh neibynta iwi donhi i kaam wei i thung ya ki toh neibynta ki Externally Aided Project (AEP) wa ki Scheme ka sorkar pyrdi.

Ki kreh ka EAP da em hadooh Rs. 1200 klur kiwa da pynkreh wei kam kiwi ki Project waheh kam ka Smart City Project, ka Sohra Tourism Project wa da e da ka DoNER Ministry toh kiwa da em ka kyndon wym hoi u dam u thung ya ki Consultant neibhah ki man ki kam ki Expert ha ki kaam wa leh ki wei ini ym em mut wa kiwa kreh ka sorkar ym tip ki wow leh yei kaam deiwa e nongmuna u ya ka Rs. 2500 klur neibynta ka 2^nd Phase ka MITP wa da yoh na ka World Bank kawa ong wa emkaam ya u Environment and Social Expert u wow hap u leh ya kiwa boon ki kaam yow pait yeiwa chah ktah ki chnong ki thaw, ka rymaw kamjooh kiwa chong chnong.

Da pynche u wa kini ki Consultant ymtoh ki kreh sorkar wa da e cha kiwi ki bru heiwa da ong u leh em boon kiwa yoh kreh kiwa napoh ka jylla hi yow pyndep ya kini ki kreh wa da leh da ki Consultant næ Consultancy Firms heiwa hapoh ka MBMA wa MBDA da em 1500 ngut kiwa yoh kreh wei 99.99% toh kiwa chong chnong ka jylla.