Wa lai chuti waroh ki Doctor ka Pamra Paithlu PHC, lai yachem ka KSU wa u DMHO

Ki dkhot ka KSU Wapung Circle ha kini ki sngi wa dep da lai hiar ki cha ka Pamra Paithlu PHC hadien wa da yoh ujor na ki paidbah ka thaaiñ kiwa da lai thooh dawai wei lai phah sumaar ha kani ka PHC wa nadooh ka 5 tarik uni u bnai ym em Doctor wa wan kreh wei kiwa kreh leh toh kiwa duna bha kiwa wan kreh.

Neiliang ka seiñ leh da lai hiar ko cha kani ka thaw sumaar ha ka 7 wa 13 tarik uni u bnai heiwa da chem wa duna bha ki Nurse kamjooh kiwa kreh iwa da ktah yei e chakri paidbah wei da pynkhyrngiat leh wym em Doctor ha waroh ki ar sngi.

Da pyntip cha ka seiñ wa kawi ka Doctor kawa lai Maternity Leave, uwi uwa chim chuti neidaw wa em i bia wei sa uwi leh toh uwa lai chuti wei ini da pynman ya kani ka thaw sumaar wym em Doctor ko uwi leh.

Kamtæ ha ka 16 tarik ka seiñ da lai paan pynche ko na u DMHO deiwa kylli ileh wym phah Doctor da kiwi heithaw kini kiwa lai chuti, heiwa neiliang u DMHO da ong u wa duna Doctor hapoh ka District wei na ini i daw ym em ye u phah.

Related posts

Chim smai u Tarique Rahman kam u Prime Minister ka Bangladesh

February 17, 2026

I pyntip wa emkaam ya kiwa lai cha ka Pynthor Ialong da ka kari

February 17, 2026

Ka seiñ da kyntu ko ya u DMHO wa toh u phah Doctor yow lait nei jia wa sñiawsih khamtam ki kynthai wa punkhon wei yow lait leh u lutsan deiwa hap lai cha jngai.