I sñiawkhia yei roi ki ksaw sarok wa i chah dait ki bru (khynnah wa waheh) da poi i chadooh cha Supreme Court kawa da pynmih ya ki hukum wa har rukom ha ki bnai wa dadep tangwa ha kini ki sngi da mih chooh chooh ki Video na ki CCTV wa pynyoo yei chah dait ki bru.
Iwi i Video da yoo ya ki ksaw sarok wa dait ya kawi ka manbei katwa dang mut ko wow psiah cha yung heiwa da em ki ksaw wa thiah ha sarok hakhmat i yung ko.
Da yoo wa chwa wow psiah da tlær ko iwa da pynkhyrngiat ya ki ksaw kiwa da sdang won wow dait ka kat hadooh wa wan uwi uwa yah thuk-thuk uwa da beh ya ki.
Ha ini i Video da thoh wa ka khon kani ka bru jooh e baam ko ya kini ki ksaw ha lait yung wei kini ki ksaw toh kiwa tipmit ya ki tre yung hanla kattæ dang chah dait ko.
Discussion about this post