I yania ynne ha Yung Dorbar da khor bha i hapyrdi u Chief Minister, u Conrad K Sangma wa uwa yahkhmat ka Liang Pyrchah, u Mukul Sangma heiyatoh wa ka Inner Line Permit (ILP) ha ka jylla.
Katwa dang kylli u Mukul wow jubab ha’o næ o’hoh lada booddien ka sorkar yei pynkrehkaam ya ka ILP, u Conrad da ong u e wow jubab u wei ham pynthut katwa jubab.
U Mukul da ban joor u wow jubab ka sorkar bait-bait, heitæ u Conrad da ong u wa lada kwah u yei jubab, u e jubab u deiwa che wa bniah. U Conrad da pynrap u deiwa ong wa ka sorkar em ko yei mynsien wow wanrah ya kam kini ki phang yaklam (ILP), wei wow yaichah yow yoh yei jubab.
U Conrad da ong u wa u jubab u deiwa tne ymtoh du wow ong ha’o næ o’hoh wei u jubab u yeiwa kwah ki u tip katkam wa kwah u.
Chooh chooh u Conrad da ong u wa ini ymtoh du neibynta ka ILP, MRSSA, i wan psiah tooh næ ka Foreigners Act, i kaam hi toh wow wanrah yei rukom kreh khnang wow khoom u kdoh yei wan psiah kiwa na baar wei kammon u khang ya ki.
Da ong u leh wa da booddien ya ka ILP wei da yachem boonsien wa u Home Minister wei da pteiñ wow booddien yeini katwa ye neibhah u yaleh wow khang yei wan psiah tooh, lada ka ILP næ ka Foreigners’ Act, u booddien hi yeitæ.
U Conrad da beiñ u leh ya ka Liang Pyrchah deiwa ong wa ki sorkar warim weileh ym em booddien ki yeini katwa ka sorkar wa katni da leh ko yeiwa emkaam.
Discussion about this post