Ka jylla Meghalaya da ye ko wow pynmih 3.66 lak tylli ki kreh nadooh u 2019 hadooh u 2025, da ong u Chief Minister, u Conrad K Sangma ynne hapoh ka Assembly.
Kiwa boon toh kiwa yoh kreh ha ki kaam rep wa em hadooh 1.90 lak ngut, kiwa rep syntu 789 ngut, kiwa rep tit 4,078 ngut, kiwa kreh heiyatoh wa ki soh ki pe 12,714 ngut, kiwa rep Organic Farming 47,927 ngut wa kiwa yoh kreh na ka Lakadong Mission 15,333 ngut.
Kiwa leh kreh Organic Farming kiwa boon dooh toh ha West Garo Hills (5,279), Ri-Bhoi (4,301) wa East Khasi Hills (4,728). Ki Hotel leh da wanreh ki 12,683 tylli ki kreh, ki kaam kamai kari 9,835 tylli wa ki kaam chna tiar wei leh Recycling 24,926 tylli.
Ki Scheme ka sorkar jylla da pynyoh myntoi ko ya 10,000 ngut hapoh ka YES Meghalaya, 11,050 ngut hapoh ka Aqua Mission, da em 1.7 lak ngut won hapoh ka CM-CARE wa 9,000 ngut hapoh ka PRIME.
U Conrad da ong wa ka nong sngi namo ka Minimum Wage wa ₹525 chi sngi toh kawa ar wa heh dooh hapoh ka ri hadien ka Karnataka wei kawa heh dooh ha Northeast.
Da ong u leh wa ka Meghalaya kattæ toh kawa ar wa smat heh dooh ka khayi pateiñ kawa 9.66% ka GSDP, iwa hadien ka Tamil Nadu donhi kawa 11.91%, wei ka Meghalaya da pynneh ko 10% i heh i san ha ki le snem. Ka sorkar da booh ko leh ka thong wa ₹85,000 klur ka GSDP (kamwa $10 Billion).
Chooh chooh da kdaw u wa ka Per Capita GSDP da ku na ka kyrdan wa 28 ha u 2019 cha ka to 26, wei ka Meghalaya da em ko hei wa san hapoh ka ri deiwa kheiñ yei ku ka Per Capita GDP hapyrdi u 2019 wa 2025 hanla ku i boon bru da 0.95%.
I pynlut neibynta ki Contractor wa khian da ku da ₹454 klur ha u 2019 cha ka ₹1,286 klur.
Da pynbna u leh wa daw yarap wow chna yung ya ki manyung wa dooh yow ye ki u thied thaw neibhah i roi i paar toh u man ko neibynta kiwa dooh wa duk leh khlem da chah ieh ki chadien.
Discussion about this post