U Chief Minister ka jylla, u Conrad K Sangma ynne da beiñ u yeiwa jia ha Malviya Nagar ka nongbah Delhi heiwa ki le ngut ki kynthai na Arunachal Pradesh da chah klam khlemakor ki ha kawi ka bru ka Ribi Singh wa u khon ko, u Harsh Singh.
Kini ki ar ngut najrong wow klam khlemakor da pynbaad ki leh wa kini ki le ngut ki kynthai da wai thaw khem doh namo Massage Parlour ki wei da pynbaad ki leh wa dih kiad ki wei da phah ko leh wow lai thiah ki wa u khon ko.
Hawa kyntait yeini kawi na ki kynthai da khut ki wow wan psiah hei kamra wa sah ki wow pait lada em klong.
U Conrad da ong u wa i klam khlemakor deiwa kdaw ya ki jaitbru man i iwa ymye u pdiang wei ki kyntien wa pynemkaam man ki kiwa pynsñiawsih ya kiwa boon.
Da ong u wa ka India toh ka ri wa boon ki jaitbru wei emkaam u burom markylliang iwi ya iwi.
Chooh chooh da kular u wow chimkhia yeini deiwa tyrwa wow yarap kat iwa ye ya kini ki kynthai.
Da kyntu u wa ymtoh wow pynchlur ya kam ini i jia wei emkaam wow klam pyrchah yeini. Da ngaitskem wa ki heh ha Delhi u chimkhia ki yeini deiwa ya sñiawthooh mar kylliang khnang wym jia de i kamni khamtam ya ki bru na North East.
Heiyatoh wa ini da e FIR leh wa ka Delhi Police tangwa ym pu em chah kem kiwon kiwon.
Hadien wa poor ini wa jia da mih i beiñ na kiwa boon yeini wa klam kani ka bru deilang u khon ko.
Discussion about this post