Naka ujor u K.L. Pariat cha ka NGT hiar lai pait sylli ka Joint Committee ya ka wah Myntdu

Ka Joint Committee wa da chna kyrpang lyngba ka hukum ka NGT naka Suo Moto Case hadien wa da ujor da u Khroo Lamsalanki Pariat wow ong wa ka wah Myntdu da chah ktah ko nei pynkreh ya u sarok thymme Jowai Bypass uwa na Treïongriang cha Khliehtyrchi, kamtæ ynne ka sngi kani ka Joint Committee da hiar lai pait lai sylli ko ya uni u sarok kamjooh leh ya ka wah Myntdu ha chirup i emlang uwa ujor wa kiwa mihkhmat neiliang kiwa pynkreh ya uni u sarok.

Ki dkhot yong kani ka Joint Committee kynthup ki ya u SC Sadhu, IAS, Secretary ka Forest and Environment Department, u Er. Abhay Kumar, CWES, General Manager ka Brahmaputra Board, u C.E. Wahlang, Superintending Engineer (WR) HPD, Water Resource Department, ka Amabilis Phawa, Superintending Engineer PWD (Roads) Jowai Circle, u Sandrew Syiem, Senior Environmental Engineer MSPCB, u Manhubeitki Passah, Executive Engineer ka Jowai Municipal Board wa u Dr. G.H. Chyrmang, MFS, Member Secretary ka Meghalaya Polution Control Board Meghalaya Shillong, ya uwa da thung leh kam u Nodal Officer kani ka Joint Committee.

Yei hiar lai pait sylli da sdang na Khliehtyrchi ter-ter u sarok Jowai Bypass chadooh Treïongriang, da lai pait haroh ki ya ka wah Myntdu, ya i thaw noh khyndaw heipor pynkreh sarok kawa em ha Demthring, wei khaddooh da lai ki cha Oorkhla yow pait ya ka Dam Mupiah kawa man ka bynta ka wah Myntdu wa taan umbaam umdih ka chnat PHE cha ki paidbah wa chong chnong ka sor Jowai.

Hawa yaklam wa u Dr. G.H. Chyrmang, ong u ya kani ka Joint Inspection da pynman katkam ka hukum ka NGT neibhah haka 11 tarik u bnai March daw em i chong bichaar hajrong kani ka mukotduma wa da ujor da u Khroo Lamsalanki Pariat.

Related posts

Maham pynman yakhih ki ar chnong lada ym pyndam ka JHADC yei tipmit wei e Sanad ya ka chnong Umpyrshin

February 23, 2026

Khut sñiawbha ka Jowai Cooperative Urban Bank ya waroh ki Shareholder Member cha ka lehkmen dap 50 snem

February 23, 2026

Pyntip u wa i kaamram yong kani ka Committee toh yow pait kiyi ki kaam wa dadep leh u Contractor neibhah wa da em chwa kam kani ka mukotduma wei kiyi wa daw leh chakhmat.

Wei kamwa ya ka Meghalaya Pollution Control Board da thung leh kam ka Nodel Department neibynta u pait heiyatoh wa ini, ong u wa daw phah ki yaka Report chwa u poi ka tarik chong bichaar  heiwa kiwon kiwon ki kaam wa toh u leh daw e yumut ka Committee.