Kiwa chong chnong ka Huroi wa Lahaleiñ da e por ki ya ka Jaiñtia Hills Autonomous District Council hapoh ar sngi wow pyndam noh ya ka Notification wow tipmit chnong wei e Sanad waheh chnong ya ka Umpyrshin neibhah wa dang man ko kam ka dong ka chnong Huroi wei lada ym pyndam daw pyman yei lai Rally cha ka JHADC yow yakhun pyrchah yeini.
Ka chnong Huroi da ong ko wa ka Council toh u sangeh chwa ko wow e chnong neibhah wot ka Dorbar Elaka dang em ko da ka Case wei kam ka chnong ym em laad ko u leh kamni.
Da ong wa u J. Suchen uwa da yoh Sanad deilang ka yung ka sem yong oo toh kiwa pyrchah chnong nadooh ki por wa nachwa, wei lada pait yei long i man ha katai ka Dong, ki bru leh ym em chaniah ki ya oo wei dang boon kiwa chaniah ya ka chnong Huroi wot lada pait leh yei boon paaid ha katai ka thaw.
Chooh chooh da ong wa lada ka Council toh kawa sñiawthooh toh u ya syllok ki deilang wa ka chnong Huroi wa Lahaleiñ hajrong ini i kaam khlem da lai lait na ka chnong Huroi næ Lahaleiñ.
Da kdaw leh wa kani ka Umpyrshin toh kawa dang man kam chibynta ka chnong Huroi wei ka aiñ leh da klam che ko wa i mih chnong toh i wym ye u leh khlem da mynjur ka Elaka wow pynkha chnong. Wei ini i pyrchah toh neidaw wa ka JHADC da lai lait ko ya ki kyndon aiñ synchaar chnong.
Kamtæ ka Council toh u yaklam chwa ko ya kani ka kaam wei to u bichaar khlem da leh chiliang neibhah u bru uwa kam ya kani ka chnong toh da ka wym em yurim iyi iyi leh.
Discussion about this post