Ynnin i miet kawi ka lieñsuiñ Air Ambulance wa lai na Ranchi cha Delhi da haap ko ha Simaria, Chatra District ka jylla Jharkhand heiwa da yap waroh 7 ngut wa em hapoh yong ka, da pyntip u Deputy Commissioner ka Chatra, u Keerthishree G.
Kani ka lieñsuiñ Beechcraft C90 (VT-AJV) toh kawa pynlai da ka Redbird Airways Pvt Ltd wei da mih ko na Ranchi Airport heipor 7:11 i miet wei da wiar ko heipor 7:30 chwa wow haap ko ha iwi i khloo wa em ha Bariatu Panchayat, Simaria.
U SDPO Shubham Khandelwal da ong u wa da chem ya waroh ki metyap ki 7 ngut napoh ka lieñsuiñ.
Kiwa yap kynthup ki ya u Captain Vivek Vikas Bhagat, u Captain Savrajdeep Singh, u Sanjay Kumar, u Dr Vikas Kumar Gupta, u Sachin Kumar Mishra, Archana Devi wa u Dhuru Kumar.
Ka Directorate General of Civil Aviation da ong ko wa ka lieñsuiñ da yaklam ko wa ka Kolkata Air Traffic Control mar hær ko wei heipor 07:34 IST, wei da paanbor ko wow hær chawi neidaw wa sih i suiñ bneiñ.
U bru wa chitom wa kit kani ka Air Ambulance toh uwa da mynsoo nei pdung ka tadong LPG ha ka dukan dai baam u wei kani ka Air Ambulance toh kawa mut wow kit oo cha Delhi yow yoh sumaar.
Discussion about this post