Ha i janmiet ka 23 tarik, ka Khasi Students’ Union (KSU) Laban Circle da ksoh ko ya ki 15 ngut ki baar jylla, kiwa man ki Muslim, kiwa sah khlem ki kot ki sla wa biang wei khlem tip ki bor ka chnong.
Kini ki baar jylla da sah ki ha i yung wai wa 2 kamra ha Laban wei katkam ka ka yutip wa yoh ka seiñ da e wai ya i yung cha ki 2 ngut ki bru ki wym em sah de ha ini i yung la kattu katni bnai wei da e pateiñ won ki cha kini ki 15 ngut.
Neiliang ka seiñ da beh ko ya ki wut-wut wei da phah mih ya kini ki 15 ngut wei da pynku ya ki cha Assam.
Ka seiñ deini da pynkynmoo biang ko wa katkam ka yalang wa da chong ha waroh ki 7 tylli ki Dorbar Chnong wa kynthup ya ka Riat Laban Dorbar Pyllun wa Dorbar Chnong Lawsohtun ryngkat wa ki pulit ka Laban ha 5 tarik u Naikhynde, 2025, da chim ya ka rai wa ym chah de ya ki baar jylla wow sah yung wai ki hapoh kini ki chnong khlem yohbor na ki dorbar chnong.
Ka seiñ da maham ko ya ki tre yung wow burom ya kani ka rai wei lada chem wa leh pyrchah yeini ki tre yung daw hap bahkhlieh ki yei wow jia lada e wai ki ya ki baar jylla.
Discussion about this post