Deiwa pynemkaam Drone da chem sa kawi ka thaw tih mooyong pyrchah aiñ ha East Jaiñtia Hills

Ynne ka sngi, hadien wa pynemkaam da u Drone, da lai kynreh ya kawi ka thaw tih mooyong wa em ha ka thaaiñ Umthe kawa dang haap hapoh ka Umpleng Police Outpost.

Heini da chem ya kawi ka thaw tih mooyong wa pyrchah aiñ heiwa da em 9 ngut kiwa kreh.

Yeini da leh deiwa bood ya ka hukum ka National Green Tribunal (NGT) pyrchah yei tih mooyong pyrchah aiñ wei deiwa bood leh yeiwa da phah da ka High Court ka Meghalaya yow khang ya kini ki thaw wa leh pyrchah aiñ.

U mooyong wa dadep tih wa em ha kani ka thaw toh 55 MT heiwa da kem oo deiwa emlang u Executive Magistrate.

Related posts

Boon rtap yang ki pulit wow khang ya ki khon ka Hima Langrin wow psiah cha KHADC | Thut ka lai ka wan

August 19, 2026

U ah 10-15% na ka tulop lada ym sumaar ya ka bei wa u pa: Himanta

August 19, 2026

Ya ki 9 ngut kiwa kreh ha kani ka thaw da kem noh ki wei da booh leh ka FIR heiyatoh wa ini wei dang takit yow chem ya kitu kiwa pynkrehkaam wei pynlut poisa neibynta kani ka thaw tih mooyong pyrchah aiñ.

Neiliang ki pulit ka East Jaiñtia Hills da pyntip ki wa da pynjoor ki wow thooh chooh chooh wei ym e laad ya kam kini ki thaw wa tih mooyong pyrchah aiñ.