Ujor wei beiñ ka BJP Meghalaya yei klam u Sunil Deodhar

Ka Bharatiya Janata Party (BJP) Meghalaya da ong ko wym yahaap ko yei klam u heh ka RSS, u Sunil Deodhar uwa da klam pyrchah ya ka niam Christan.

Neiliang uwa e ktien ka BJP, u Mariahom Kharkrang hawa pynche yei chah pynbaad ka BJP Meghalaya ha ki Social Media nei klam u Deodhar, da ong u wa u Sunil Deodhar ym em yatoh u wa ka BJP Meghalaya wei ym em uwon uwon na ka BJP wot hapoh India kiwa kyrchaan næ yahaap wei klam u.

ADVERTISEMENT

U Kharkrang da ong u wa ym len u yei yarap ki Balang Christan ha Meghalaya, nadooh i puræ puthi hadooh katni wa da e yei stat i tip wa biang tam ya ki khynnah najrong wa pynpoor ki ya ka khubor i maya u Jisu Christ.

Da ong u wa u President ka BJP Meghalaya wa ki MLA ka seiñ da pyrchah ki yei klam u Deodhar hadooh Delhi wei ka seiñ da beiñ ko ya u Sunil Deodhar.

Related posts

I chah klam beiñ hadooh wa kot hi tangwa ki paidbah wa dooh nong lada bakla ki u jied: Sniawbhalang

October 23, 2026

Hadien wa tyrrah sei yooh ka kari u heh ka BJP ya uwa yah thuk thuk hadooh wa yap

October 23, 2026

Chooh chooh da ong u wa ka BJP sñiawthooh ko wa i klam u Deodhar da pyntakha i ya i sñiaw ki Christan neibhah wa ktah ko leh ya ki heh ka BJP wa ki MLA.

U Kharkrang da pyntikna u wa ka BJP Meghalaya ym e laad ko wow klam pyrchah ya kawon kawon ka niam heiwa da khana u wa da em ka ujor pyrchah ya u Deodhar wei ka seiñ chaniah ko yei bor ka aiñ.

Neiliang u MLA ka Pynthorumkhrah, u Alexander Laloo Hek hawa beiñ ya u Sunil Deodhar da ong u wa ka BJP ym em bynta ko iwon iwon hajrong i klam u Deodhar wei ini toh i klam samen yong oo.