Ka Bharatiya Janata Party (BJP) Meghalaya da pynsñiaw ko wa da pynkhreh ko wow yakhun ya ka Election MP chiteiñ samoi ha kani ka kynti.
Uwa e ktien ka BJP Meghalaya, u Mariahom Kharkrang da ong u wa ha u snem 2024 leh ka seiñ da pynkhreh ko wow yakhun tangwa da dam neidaw wa yoh ya ka hukum wow kyrchaan ya ka kyrtong ka seiñ wa emlang ha ka sorkar.
ADVERTISEMENT
Da ong u wa ka seiñ ha ka jylla hap ngait ko yei phah ki bor ha Delhi wow sai kyrtong namo wow kyrchaan ya kiwi ki kyrtong.
Da pynrap u wa kamwa man kattæ ka Party da em ko ya ki kyrtong kiwa biang wow yakhun ha ka Election wow wan.
Discussion about this post