Da wai ya ka luti lai kjat hapyrdi khloo ka tnat Forest

Shillong: Ka tnat sorkar ka Forest & Environment ynne ka sngi da wai ko ya ka thaw lai kjat ki paidbah wa tip kam ka Rhododendron Trek Route næ ka luti lai kjat.

Da wai paidbah ya kani ka Trek Route da u C. Budnah, PCCF & HoFF, Meghalaya kawa em ha 2 ½ Mile, Upper Shillong wei da pyntip wa kani ka luti toh kawa jooh pynemkaam ki pharæng yow lai ki cha Sangmein da ki kule.

Ha kani ka sngi da em ki khynnah na ki skur wa boon kiwa lai luti na kani ka luti wa jrong kamwa 6 Km kawa em leh boon ki syntu tymbud kani ka luti kamjooh ka la-ær wa khooid ka wa daw riñ ya kiwa boon kiwa maya rymaw wow wan lai kjat ki cha kani ka thaw.

Kani ka luti toh kawa jrong 6 Km nadooh na 2 ½ mile hadooh ha Sangmein.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ka tnat Forest da wai ko ya kani ka luti kam chibynta i pyrchang yong ka wow pysñiawthooh ya ki paidbah yei emkaam ki khloo ki kjam kiwa yarap leh u pynyoh um heijooh i por leh yow pynchlur ya ki khynnah u lai kjat ki yow yoh yei chiat i khiah.

Kani ka luti u wai ya ka nadooh u Naichiphaw (October) hadooh u Naitung (April) ha ki sngi Wednesday, Saturday wa Sunday wei ym chah u pynemkaam ya kani ka luti palat wa da sep ka sngi.

Da khang leh ya kiwa lai luti wym hoi u pyntaroi ya kani ka luti deiwa noh sikret, biri, ki song baam wa kiwi. Da mana leh wym hoi u siat sim wei wow tynyap ya ki mrad khloo neibhah man ko pyrchah ya ka aiñ.