Mar ya chimkti u Registrar thymme ka NEHU chah dat hadooh wa poi NEIGRIHMS

Ha i jia wa da yoh u tip slem por, u Registrar wa dang dep chimkti ka skurbah North Eastern Hill University (NEHU) da chah pynmynsoo u hadooh wa da pynkit noh oo cha NEIGRIHMS, Shillong.

Katkam ka khubor wa da yoh, uni u Registrar ka NEHU toh uwa tipi pyrtuid kam u KC Biswal uwa dang wan chimkti wei da pynbaad wa da thung ya oo da u Vice Chancellor ka NEHU, u Prof. Prabha Shankar Shukla.

Katkam wa da pyntip, u Biswal da chah dat u ha ka 2 tarik uni u bnai heipor kamwa 5:00 waje i janmiet ha sarok Mawlai Bypass katwa dang mut u wow lai cha Guwahati.

Related posts

Lut batri ka Mobile ka bru chwa u Selfie wa u Rohit Sharma, pait yi jia won hadien

May 9, 2026

Da thung ya u Lieutenant General N S Raja Subramani kam u khlieh ki chipai ka ri

May 9, 2026

U KC Biswal toh uwa na Tura Campus uwa da chimkti kam u Registrar ha NEHU, wei da khana u wa da em wa kdong chwa oo najan ka NEHU Campus ha ki bru wym ye u tipmit wei manda poi ha Mawlai Bypass da mih kamwa 5 ngut ki bru ki wym ye u tipmit kiwa da kawang moo chwa ya ka kari kamai Tourist kawa chong u wei hadien da dat da bom ki oo.

Hadooh wa wanrah ya kani ka khubor, u Biswal dang chah sumaar u ha NEIGRIHMS neiwa mynsoo u nei bynta i khlieh, wei neiliang kiwa ha-yung ha-sem u da ujor FIR ki ha Mawkynroh Outpost wei ka takit da lai ko chakhmat yow chem ya kiwa emkti.