Mar ya chimkti u Registrar thymme ka NEHU chah dat hadooh wa poi NEIGRIHMS

Ha i jia wa da yoh u tip slem por, u Registrar wa dang dep chimkti ka skurbah North Eastern Hill University (NEHU) da chah pynmynsoo u hadooh wa da pynkit noh oo cha NEIGRIHMS, Shillong.

Katkam ka khubor wa da yoh, uni u Registrar ka NEHU toh uwa tipi pyrtuid kam u KC Biswal uwa dang wan chimkti wei da pynbaad wa da thung ya oo da u Vice Chancellor ka NEHU, u Prof. Prabha Shankar Shukla.

Katkam wa da pyntip, u Biswal da chah dat u ha ka 2 tarik uni u bnai heipor kamwa 5:00 waje i janmiet ha sarok Mawlai Bypass katwa dang mut u wow lai cha Guwahati.

U KC Biswal toh uwa na Tura Campus uwa da chimkti kam u Registrar ha NEHU, wei da khana u wa da em wa kdong chwa oo najan ka NEHU Campus ha ki bru wym ye u tipmit wei manda poi ha Mawlai Bypass da mih kamwa 5 ngut ki bru ki wym ye u tipmit kiwa da kawang moo chwa ya ka kari kamai Tourist kawa chong u wei hadien da dat da bom ki oo.

Related posts

Pyntikna ki pulit wa i Video wa chah thaap chah kyrtem ka kynthai toh iwa jia ha Nongstoiñ Bypass

June 29, 2026

Hadooh 15,000 ngut thmu uwi wow pynyap ya kiwa lai Muharram deiwa saam dawai kuli wa chna dei bih

June 29, 2026

Hadooh wa wanrah ya kani ka khubor, u Biswal dang chah sumaar u ha NEIGRIHMS neiwa mynsoo u nei bynta i khlieh, wei neiliang kiwa ha-yung ha-sem u da ujor FIR ki ha Mawkynroh Outpost wei ka takit da lai ko chakhmat yow chem ya kiwa emkti.