Heiyatoh wa i mih kynaad ha ka 3 tarik uni u bnai hapyrdi kiwa chong chnong ka Lama wa Lakadong Ummat heipor wa lai pyman ki bor sorkar ya ka Joint Measurement Survey yow kheiñ yei thaw wow lai u sarok 4-Lane uwa tip leh kam u Green Field High Speed Corridor. Da em le ngut kiwa mynsoo ha ini wa jia.
Kani ka thaw wa lai leh Survey toh kawa tip kam ka Khlieh Wah Rkhiang wei heini i por da mih ka yania neidaw wa yaknieh yeini i thaw wei da em kiwa sai wait wei da em leh kiwa da siat da ki tiar yasiat.
Ki le ngut kiwa mynsoo toh kiwa na ka chnong Lama, wei da mynsoo ki nei chah siat heiwa da suba kiwa siat da em ki ar ngut.
Hadien ini, ki pulit da kem ki leh ya u Rimiki Amkhloo uwa man kam u waheh chnong ka Lakadong Ummat.
Kam wow pynkynmoo wa ki bor District da pynkrehkaam ki da ka Section 163 ka BNSS yow khang yei pynman yalang paidbah, u khang yei rah ya ki tiar pynmynsoo, ki tiar yasiat wei wow khang leh u pynthut yei lai i wan ki kari deilang ki paidbah.
Discussion about this post