I yaknieh thaw ki ar tylli ki chnong kitæ ka Mawlyngad Pepbah waka chnong Thadan wa em ha East Khasi Hills dapoi chei chah khang u sarok PWD deiwa booh khilon (Gate) da ka chnong Mawlyngad Pepbah.
Ya kani ka Gate da booh ha i bynta u sarok PWD wa em ha Pepbah wei i thaw wa yaknieh toh iwa tip kam i Lyntung iwa man leh kam i thaw rep.
Hajrong ini, ka DC ka East Khasi Hills da ong ko wa u sarok PWD man u kam i thaw paidbah wei ym em kiwon kiwon bur samen hdooh ki bor chnong wa ye wow pynthut næ u khang yei lai i wan ki bru ha u sarok paidbah.
Chooh chooh da ong wa deiwa booh kani ka khilon khlem da yoh bor ha u sarok PWD da man ko pyrchah ya ka aiñ, wei deiwa leh kamni daw pynjoor ko yei kynaad hapyrdi kini ki ar chnong.
Kamtæ da pynmih hukum yow pynkrehkaam da ka Section 163 ka BNSS yow khang yeini i booh da kani ka Gate ha chnong Mawlyngngad Pepbah ha u sarok PWD ha Pepbah wei hap leh wow chah u lai laitlooid kiwa chong chnong ki ar chnong.
Kani ka hukum toh kawa da krehkaam chisiendon hadooh wa da pynbna da kamwi.
Discussion about this post