Kawi ka YouTuber wa em 45 snem i rta kawa na Punjab, India da yap ko hadien wa chah dung ha Ontario, Canada ha i miet ka 3 tarik uni u bnai wei ya kani ka bru da tip kam ka Nancy Grewal.
Katkam wa pyntip ka LaSalle Police Service, da chah dung ko heipor kamwa 9:30 i miet ha 2400 Block, Todd Lane.
Neiliang kiwa kreh ka Essex-Windsor Emergency Medical Services da kit ki ya ka Grewal cha hospital, tangwa da yap noh ko chwa wow poi ha thaw sumaar.
Hawa takit ki pulit da chem ki kattu katni ki sabut ha luti hajan ki rana iwi i yung.
Ka LaSalle Police Service da ong ko wa da pynjoor ko yei takit ha Todd Lane deiwa phah leh ya ki kyntien sñiawlem cha kiwa ha-yung ka Grewal.
Da kyntu leh wa lada em kiwon kiwon kiwa em yutip yeiwa jia wow yaklam wa u Detective Sergeant Jamie Nestor.
Ka Grewal jooh booh Video ko ha Social Media wow klam chaphang ka Punjab heiwa da klam ko leh heiyatoh wa u MP Amritpal Singh uwa da chah kset kamjooh u heh ka Akali u Bikram Singh Majithia wa u Gurinder Singh Dhillon.
Da jooh beiñ ko leh ya ki Khalistani deiwa klam leh heiyatoh wa i kynaad hapyrdi ka India wa Canada.
Discussion about this post