Poi ka 1st War Jaiñtia Junior Championship cha wakut

Ka Sports and Youth Sub Committee ka seiñ WJSU ha ka sngi Thohdieñ da pynhaap pyrda ko ya ka 1^st War Jaiñtia Junior Championships Under-16 da ka yakhun Final hapyrdi ka Twah-U-Sdiah SC wa ka Rising Star Moosakhia SC ha madan Pamtbuh.

Ka yalehke da man ko kawa yoosuk bha heiwa ka Twah-U-Sdiah lyngba u Nambor Lamat da yoh ko wow pynkhih ya ka jar haka minit wa 23 wa haka minit 30 won na u Jeri Messi Pohdweng. Ka Rising Star Musakhia da yaleh chitom ko wow su kylliang tangwa kiwa yalehke ka Tawah-U-Sdiah ym e laad ki.

Ka Twah-U-Sdiah da man ko kam ka Champion wa nyngkong ka War Jaiñtia Junior Championship wei da yoh ko leh ya ka song poisa kawa Rs. 60,000 deilang waka Trophy. Ka Rising Star Moosakhia kam ka liang wa rem da yoh ko ya ka song poisa wa Rs. 40,000.

Yei naam Best Player da yoh rah da u Nambor Lamat, yei naam Best Goalkeeper da yoh rah da u Salanki Nyalang katwa yei naam Top Scorer da yoh rah da u Jeri Messi Pohdweng kiwa waroh na ka Twah-U-Sdiah wei da yoh ki leh ya ka song poisa wa mar Rs. 2000.

Yei naam Best Discipline Team da yoh rah da ka Amsarim SC kawa da yoh leh ya ka song poisa wa Rs. 3000.

Ya kani ka yakhun Final da wan leh wow sakhi da u District Sports Officer yong ka West Jaiñtia Hills District, u K. Passah kam u kongsan, uwa da kyntu ya ki khon khynroo wow minot ha ki kaam Sports yow lait na kiwon kiwon ki kaam wa sih wei kamjooh yow man ko kam ka laad kamai.

Related posts

District Cricket League: Jop ka Young Lads ya ka Ummulong B

March 7, 2026

District Cricket League: Jop ka West Jaintia Police ya ka Shangpung

March 6, 2026

Da wan wow pynchngaaiñ ya kani ka sngi da u Bankit Pakyntein, CEO Langsning FC Shillong kam u symbood kongsan wei da yaklam u leh wa ki khynnah yow man ki kiwa kreh chitom ha ki kaam yalehke kam ka laad yoh kreh.

Neilang u General Secretary warim ka ASSA uwa man leh u Principal ka Adventist Higher Secondary School Khliehtyrshi da yaroh u ya ka seiñ yeiwa chim ko ya kani ka laad wow pynchlur ya ki khon khynroo wa thaaiñ kiwa angood wow yalehke.

U General Secretary ka seiñ, u Everest Langstang da khut u yei ya krehlang wei da kyntu u ya ka thaaiñ War Jaiñtia wow pynlut por wow kreh chitom wei wow e mynsien leh ya ka seiñ yow nang kreh chitom neibynta ki paaid ka thaaiñ.