Ka Dorbar Chnong Khimusniang lyngba u Waheh Chnong, u T.S. Bamon da pynsñiaw ko yei sñiawngooh sñiawburom ya u MLA ka thaaiñ, u Wailadmiki Shylla uwa man leh u Montri yong ka sorkar jylla hajrong i ye u wow pynyoh chiboon ki kaam pynroi hapoh ka chnong.
Da ong wa em chiboon ki kaam pynroi pynpaar kiwa ka chnong da yoh ko dei yarap u kam ki sarok lai kjat, ki nala um, ki sarok kari pohchnong wa kiwi tawon. Da ye leh u pynchna pynbha ya ka sarok lai kjat cha Yingkieñ Naar wei da pynbha pynmiat leh ya ka Yingkieñ Naar kawa da sih bha ha kini ki por wa dadep.
Heiyatoh wa u sarok wow poi cha Urkhla (Treatment Plan), PHE leh dei yarap yong u MLA da yoh wow sdang noh u pynkreh heiwa yei kreh leh da e cha ki Contractor ha ka 9 tarik uni u bnai deiwa ya emlang chirup kiwa pynlai chnong. Hajrong ini, ka chnong da khut ko ya ki tre thaw wow sñiawbha ki u yachem wa kiwa pynlai chnong ha ka 14-03-2026 ha utai u sarok nadooh i por 8:30 hadooh 10:30 i step.
Ka chnong da ong ko lada ym wan ki tre thaw ha katai ka sngi wa da booh, ym ye de u chim ya iwon iwon i ujor wa mih hadien. Katwa kamtæ da kyntu ya ki tre thaw wow yakrehlang chirup wa ka chnong, khnang wa ki kaam pynbha pynmiat hapoh chnong pohthaw u man ki kiwa lai bait lai ryntih.
Discussion about this post