Hajrong ka yurim wow wyrai wei wow yarap mar kylliang para bru i wow wanrah yei suk wei yajan hapoh ka East Jaiñtia Hills District, ka yung krehkaam u Deputy Commissioner, East Jaintia Hills District, da sdang ko ya ka “Project Mynried” wow yarap ya ki khynnah wa em hapyrdi chi snem hadooh 15 snem na ki manyung wa duna hei yoh i laa.
Lyngba kani ka Project daw e yarap ya kini ki khynnah da ki sula ki that wa chit ryngkat ki kot skur da i thmu wa ki khynnah leh u yoh ki yei emkaam ki hawa kjam wei heipor wa lai skur.
Kamtæ ka Office u Deputy Commissioner da kyrpaad wei da pynchlur ko ya waroh kiwa kreh sorkar hapoh ka District wow e kyllooid mynsien wei wow ksohkti deilang deiwa e sñiawbha kyllooid da ki sula ki that wa dadep pynemkaam yong ki khon, ki pyrsa wa kiwa ha-yung kamjooh ki kot skur wa da rim khnang wow ye u e yarap cha ki khynnah na kam kini ki manyung.
Hadooh kattæ da ye u pynlang hadooh 300 tylli ki tiar ki tar na ki 18 ngut kiwa da e sñiawbha kiwa man kam kiwa kreh nadooh ki Officer wa kiwi de hapoh ka yung krehkaam u DC kiwa da e nadooh ki that ki nep, ki tiar kyndeh ke, ki kot, ki juti wa kiwi de kiwa ye u yarap ya ki khynnah wa wan na ki manyung wa dooh wa duk.
Da kyntu leh ya kiwi kiwa kreh sorkar wow wan ki chakhmat yow e sñiawbha kamjooh lada em kiwi leh hoi hi heiwa daw pynman ya ki thaw saam rachon kam ki thaw wow pynlang ya ki tiar wow e sñiawbha wei waroh kiwa e sñiawbha daw yoh ki da ki Certificate.
Yow leh yeini waroh da thung da ka District Management Unit ki wow kynthup deilang kiwa kreh u DC wa kiwi de kiwa daw emkti wow leh yeini hadooh wow lai saam ya kini ki tiar wa da yoh sñiawbha.
Discussion about this post