Ym em duna ki LPG Cylinder hapoh ka jylla, pyntip u Montri

Ka sorkar Meghalaya da pyntikna ko wym em i duna Stock ki LPG Cylinder wei da kyntu leh ya kiwa chong chnong wym toh u tieñ næ khuslai.

Hawa yaklam wa kiwa thoh khubor, u Montri ka chnat Food and Civil Supplies, u Methodius Dkhar da ong u wa ka sorkar dadep ko wow khut ya ka yalang yow bichaar bniah wa ki Deputy Commissioner, ki Sub-Divisional Officer, ki sahep ka chnat deilang kiwa mihkhmat yong ki Company umphñiang yow bichaar bniah yei long i man yow pynpoi LPG ha waroh kawi ka jylla.

Da pyntip u leh wa ka sorkar dang booddien ko yow pynpoi LPG deiwa ya krehlang wa ka Indian Oil Corporation, ka Bharat Petroleum wa ka Hindustan Petroleum.

U Montri da maham u leh ya kiwa dai tooh ya ki LPG Cylinder.

Related posts

Pyrchah ka JRC ya ka Public Hearing ka TNE Cement yow tih moochuni ha Mynkre

March 12, 2026

Chi bnai e por ka KSU ya ka SBI wow pynmiat ya ka ATM ha Phramer kawa da sih nadooh u snem 2021

March 12, 2026

U President ka Meghalaya LPG Distributors Association, u R.L. Blah da ong u wa i dor yong kawi ka Cylinder LPG kawa 14.2 kg dapoi ko ₹1,005 ha ka jylla wei ki Company leh da booh ki hakhmat yow pynbiang ki LPG Cylinder wa pynemkaam ki bru ha ki yung ki sem.

Da pyntip u leh wa i pynbniang hapoh ka jylla dang man ko kamwa jooh hi tangwa neiwa jia ha Garo Hills da hap wow em i pynkhreh kyrpang heiwa ki sahep ka Indian Oil Corporation da kyrpaad ki ya ki bor District wow pyniang ki bor ka aiñ ki wow bood wei e yada ya ki Truck wa kit LPG khnang yow pynpoi ya ki mar heipor wa biang.