Ha iwi i jia wa phylla ha Sarsuna, Kolkata, ki pulit da pynlai ki dei doh ya ki le ngut kamwa pynwandur (Scene Reconstruction) yei kaam pyrchah aiñ wa leh ki ha Behala heiwa kini ki le ngut da pynlooid sula wei pynlai ki ya uwi u khynroo uwa 18 snem deilang u pa u wa u lok u ha ki sngi wa dadep deiwa maham u sait ki lada ym leh ki yeini.
Ini i pynwandur da wanrah i ya ki paidbah wow yalang ki wei wow chondur wei riñdur ya ki le ngut ha sarok khlem sula wei khlem juti kam ka dak wow pynsarom ya ki kamwa leh ki ya u khynroo, u pa wa u lok yong oo.
Ini waroh da sdang i ha Behala ha ka 25 tarik uni u bnai heiwa ki le ngut da pynyang Pistol ki ya u khynroo, u pa wa u lok u wow phah looid sula ya ki lyngkthuiñ du neidaw wa yoo ki le ngut ya uni u khynroo (18 snem) wa ka pyrsa ki kawa dang 13 snem.
Hadien wa phah looid sula da phah lai kjat ki ya ki kamwa 50 metre iwa da pynchrai ya kiwa boon.
Neiliang ki pulit da kem ki ya ka bei wow pa kani ka khynnah kamjooh leh ya ki le ngut ki ma yong ka ya kiwa da pynlai kjat khlem sula ynne ka sngi.
Discussion about this post