District Cricket League: Jop ka Khliehtyrchi wa ka Goodwill Mupliang

Ka Khliehtyrchi SC wa ka Goodwill Mupliang SC da jop ki ynne ka sngi ha ki ar tylli ki yalehke yong ka District Cricket League 2026 wa da pynman da ka West Jaiñtia Hills District Cricket Association, Jowai.

Ha ka yalehke ha madan Khliehtyrchi Mini Stadium, ka Khliehtyrchi SC da jop ko da 119 Run ya ka Moodymmai SU.

Ya ka kylla-khlem da jop da ka Moodymmai kawa da jied wow kawang bol nyngkong. Ka Khliehtyrchi da lai ko wow kamai 250 Run na ki 35 Over deiwa haap 7 Wicket. Na kiwa Bat, u H. Timi Ryngkhlem da kamai u 88 Run na ki 85 bol wa kynthup ya 5 tylli ki 6 Run wa 4 tylli ki 4 Run, katwa u Yoomi Patwet won da kamai u 61 Run na ki 52 bol wa kynthup ya 10 tylli ki 4 Run. Na kiwa kawang bol ka Moodymmai, u Kyntumiki Slong, u Nehlang Pariat wa u Rijest Lytan da yoh ki u pynhaap mar 2 Wicket.

Ka Moodymmai hawa beh ya ka thong da kamai ko du 131 Run deiwa dooh lut waroh ki Wicket ha ki 22.1 Over. Na kiwa Bat yong ka, u Kyntumiki Slong da yoh u 27 Run na ki 14 bol, u Bishar Lamare won 25 Run na ki 18 bol, katwa u Rijest Lytan da yoh u 24 Run na ki 15 bol. Na kiwa kawang bol ka Khliehtyrchi, u Peter Nongtdu da yoh u pynhaap 4 Wicket na ki 7 Over, katwa u H. Timi Ryngkhlem wa u Khimti Dkhar won da yoh ki u pynhaap mar 2 Wicket.

Yei naam Man of the Match da yoh rah da u H. Timi Ryngkhlem uwa yalehke ka Khliehtyrchi SC.

Ha kawi won ka yalehke ha madan Wahiajer Mini Stadium, ka Goodwill Mupliang SC da jop ko da 8 Wicket ya ka Riwar Titan CC.

Ya ka kylla-khlem da jop da ka Riwar Titan CC kawa da jied wow Bat nyngkong wei da kamai ko 210 Run na ki 35 Over deiwa haap ko 6 Wicket. Na kiwa Bat yong ka, u Mickey Marngar da kamai u 84 Run na ki 81 bol wa kynthup ya 4 tylli ki 6 Run wa 9 tylli ki 4 Run, katwa u Pusonbha Rymbui won da kamai u 72 (Not Out) na ki 82 bol wa kynthup ya 2 tylli ki 6 Run wa 7 tylli ki 4 Run. Na kiwa kawang bol ka Goodwill Mupliang, u Greatestful Lyngkhoi wa u Echwa Phawa da yoh ki u pynhaap mar 2 Wicket.

Related posts

Pynhaap pyrda ka Seiñraij Niamtre Ummulong ya ka 1st 7-A-Side Men’s Niamtre Cup 2026

March 13, 2026

U sdang noh ka Inter-District Transfer kiwa yalehbol ka Meghalaya

March 13, 2026

Ka Goodwill Mupliang hawa kdong ya ka thong da ye ko u pynjop deiwa kamai 214 Run na ki 26.1 Over deiwa haap du 2 Wicket. Na kiwa Bat yong ka. U Byforcestar Dhar da kamai u 110 Run na ki 81 bol wa kynthup ya 8 tylli ki 6 Run wa 10 tylli ki 4 Run, katwa u Oniwanker Sna won da kamai u 65 (Not Out) na ki 62 bol wa kynthup ya 3 tylli ki 6 Run wa 8 tylli ki 4 Run. Na kiwa kawang bol ka Riwar Titan, u Pynkhraw Khonglah wa u Habanjop Khonglah da yoh ki u pynhaap mar chi Wicket.

Yei naam Man of the Match da yoh rah da u Byforcestar Dhar uwa yalehke ka Goodwill Mupliang SC.

Ki yalehke ha ka sngi 16 tarik toh hapyrdi ka Ummulong SC pyrchah ya ka Mowkaiaw CYC ha Khliehtyrchi Mini Stadium. Ka The Legend (Lissi Pearl) pyrchah ya ka West Jaintia Police CC ha Wahiajer Mini Stadium. Waroh ar tylli ki yalehke u sdang ki heipor 9:00 waje i step. Ya ka Digital Live Score yong kani ka League ye phi u pait ha https://cricheroes.com/tournament/1881561/wjhdca-district-cricket-league-2026/matches/live-matches.