Ha ka sngi pynhaap pyrda ya ka Fete ka skur Mukhla Raij Higher Secondary School ha ka 11 tarik uni u bnai, neiliang u Wailadmiki Shylla uwa man kam u MLA ka thaaiñ kamjooh u Montri sorkar, da pynbna u wow e da ka tulop yong oo kawa chi bnai kawa dapoi Rs. 2,02,000 yow su tulop ka SMC ka skur cha kiwa sikai kani ka skur.
Ha kani ka sngi, u Wailadmiki Shylla da pynbna paidbah u wa daw e yarap u leh man-u-snem deiwa e chi bnai ka tulop u kat dang man u kam u MLA ka Jowai Constituency.
Da kular u leh wow pyndep u chna ya ka madan Stadium wa thymme da u Artificial Tuff pyn hapoh uni hi u snem.
Da pyntip u leh wa ka sorkar u sdang noh ko u chna ya ka Building yong ka Nursing School pyn ha uni hi u snem.
I thaw wow booh ya kani ka Nursing School ha Mukhla toh iwa da e sñiawbha da ka Mukhla Dorbar Pyllun cha ka Health Department ka sorkar Meghalaya.
I pyntip na u Hachwa Suna, General Secretary ka Mukhla Dorbar Pyllun uwa man leh u Chairman SMC.
Discussion about this post