Jowai: Ha ka yakhun 2nd Division ynne ka sngi ha pyrdi ka 7 Wasa SC pyrchah ïa ka Newhill SC ka 7 Wasa da jop ko da le kool la kawi ia ka Newhill. Ar tylli na kini ko kool da thap da u Aibanhun Dkhar ha ka minit wa 40 wa ka 42. Ha chwa kini ki ar tylli ki kool da thap u Teddyson Bang ia ka kool wa nynkong ha ka minit wa 12. Ya ka kool ka Newhill da thap da u Earlyborn Lyngdoh ha ka minit wa 32.
Ha ka Super Division ynne ka sngi da yachem ka Sabah Muswang SC pyrchah ia ka Dulong SC. Ka Sabah Muswang da jop ko ia ka Dulong ha chwa u kut ka yalehke da kawi donhi ka kool wa thap da u Masan War ha ka minit wa 75.
Discussion about this post