Jowai: Ka seiñ Jaintia National Volunteer (JNV) ha ka yalang yong ka CEC wa da dep pynman da rai ki chi sur wow lai paidbah da ki spah ngut ki dkhot sa seiñ ha kani ka 30 tarik kam ka dak pyrchah ïa u Chief Minister u Dr. Mukul Sangma.
Ini i lai paidbah man i leh kam ka dak kyrchan ïa ki dawa wa boon na u Dr. Mukul Sangma hei yatoh wa i chitom wa chem ki paidbah khamtam ha i wow pynkhlan bor ïa ka Sixth Schedule, kamjooh leh u pynyoh ïa ka hok synchar katkam ka dustur riti hapoh ka bri u Ynñiaw Trep Ynñiaw Wasa.
Ka seiñ da ong ko wa i duna u Dr. Mukul Sangma ha I bichar yong oo ha waroh ki kaam booh ko ïa ka mynried ki paidbah ha i ma wa joor bha.
Chooh chooh ka seiñ da pyntip ko leh wa kyrchaan ko doh wa mynsien ïa ka seiñ Thma U Rangli Juki (TUR) ïa i dawa yong kani ka seiñ u pynbiang ka sorkar ïa ka Lokayukta Bill ka wa khlan bor. Kani ka aiñ man ko kawi na ka laad wa ye u pynduna ïa i baamsap kamjooh u pynchitom ïa kiwa baamsap.
Ka seiñ leh da pyntip ko wa pyrchah ko ïa u Aadhaar Number yong ka sorkar pyrdi uwa man u nombar u wa daw booh chiboon ki jingeh ïa ki paidbah. Kani man ko katkam ka kyrwoh khubor wa da pynmih da u president ka JNV u Palmon Sari.
Discussion about this post