Uwi u Tourist uwa na Korea da chah pyndooh thaw chong u wot hapyrdi wa em u ya ka Ticket katwa dang lai luti u da ka rel na Muzaffarpur, Bihar cha Delhi.
Hadien ini u pulit ka Railway Police Force (RPF) da chimkhia u yeini deiwa e thaw chong ya oo, iwa da yoh yaroh bha na ki paidbah kiwa da beiñ leb ya u bru wa thiah ha ka thaw chong uni u Tourist.
Ha i Video da yoo ya u Tourist wa yieñ u hajan ka dwar wa ki muna u, hawa kylli u pulit RPF, da khana wei pynyoo u ya ka Ticket wa rah u.
Hadien ini uni u pulit da lai u ha ka Seat Number ka Ticket heiwa da em uwi u bru wa thiah, uwa da khai jor nawa thiah wei da phah chong u ya u Tourist.
Ha i Video da sñiaw ya u pulit da ong u, “Kam se kam inka toh khayal karo. Humare desh mein aaye honge pehli baar aur aap letkar ja rahe hai” iwa mut teiñkhat yarap ya oo, ye u man ka sien wa nyngkong wa wan ko cha ka ri, katwa me won thiah mi.
Neiliang uni uwa na Korea da e khublei u ya uni u pulit.
Discussion about this post