Ka Hynniewtrep National Youth Front (HNYF) ha ka 28 tarik uni u bnai da pynman yalang ko ha Mookhep, East Jaiñtia Hills heiwa da wan psiah ki dkhot thymme cha ka seiñ.
Ha kani ka sngi, u Chairman ka HNYF Jaiñtia Hills, u Pynbiang Rymbai da pynskem ya kini kiwa dang psiah thymme cha ka seiñ deiwa emlang u President ka HNYF East Jaiñtia Hills, u Satly Ryngkhlem.
Da ong wa kani man ko kam ka dak wa da ku chaphrang wei pynkhlan ya ka seiñ ha East Jaiñtia Hills deiwa wan kini ki dkhot wa thymme deiwa em iwi donhi i angnood wow ya krehlang neibynta i bha i miat yong ka jaitbru Ynñiawtrep.
Ka HNYF da kyrmen ko wa kini ki dkhot wa thymme u man ki kiwa smat wow ya krehlang wa kiwa kitkaam ka seiñ ha ki kaam chakri paidbah, u yieñ skem neibynta i hok yong ka jaitbru wei wow kreh chitom neibynta ka mynried wa bha.
Kamtæ ka seiñ da pdiang sñiawbha ko ya kini ki dkhot wa thymme wei da kyrmen wa ini i ya krehlang u nang pynkhlan ko ya ka HNYF ha ka thaaiñ East Jaiñtia Hills.
Discussion about this post