Ka sorkar pyrdi lyngba ka Home Ministry da rai ko wow pynlait patok noh ya u Sonam Wangchuk hadien 6 bnai wa chah kset u nei chah pynngat hapoh ki kyndon aiñ National Security Act.
Ini i leh ka Ministry of Home Affairs toh wow wanrah yei suk ha Union Territory of Ladakh deiwa kyntu ko ya ki seiñbhalang wa ki bru kreh monsñiawbha u wan chaphrang wow klam neibynta i bha i miat ka Ladakh.
U Sonam toh u Engineer, uwa pynkylla yei rukom sikai kamjooh uwa kreh wow pynneh ya ka mariang heiwa da man u u bru wa pawnaam na Ladakh ha ki snem wa dadep.
I kem ya oo da wanrah i yei chah beiñ ka sorkar na kiwa boon ki liang.
Kam wow kdaw heini, ya ka Union Territory ka Ladakh da wanrah hadien wa pyndam ya ka Article 370 iwa pynkut yei man kyrpang ka Jammu and Kashmir kam ka jylla.
Ka sorkar da phah kem ko ya u Sonam hadien wa klam u ya ki kyntien wow pynchongchit ya ki bru deiwa yakhih dawa tipmit ya ka Sixth Schedule. Heipor wa joor i yakhih hajrong ini i dawa, da pynsariem u yei yakhih wa iwa jia ha Nepal wa ka Arab Spring.
Discussion about this post