Thang uwi ya ka kari ki jan yung deiwa chrai wa khlan ware ko u kieh Alarm

Neiwa joor chrai yeiwa kieh ma kieh ka Alarm ka kari ki jan yung du neiwa lai hi-eh ki bru najan leh, uwi u bru da thang syndon u ya kani ka kari ha chnong Morbi wa em ha Gujarat iwa da yoh u riñ da ka CCTV ha ka 28 tarik uni u bnai.

Ini da jia i ha thaaiñ Waghpara heiwa kani ka kari Maruti Swift toh kawa mantre da ki ar ngut ki chi kurim kiwa man kam ki Lawyer kitæ ka Pushpa Bhatt wa u Kaushik Bhatt wei ya uwa thang da tip kam u Shikhar Jayesh Gohel.

Katkam wa riñ ka CCTV da yoo ya u Gohel wa lai u hajan kani ka kari heipor kamwa 4:39 kattu katni sien deiwa ksohlang wa ka Phone ha kti wei hadien won da wan u deilang u klong wei da theh u da iwa ye u man i kynja Petrol ha kani ka kari wei da thang u ka.

Hadien wa thang u ka da riñdur u da ka Phone chwa wow ku hapoh ka kari yow mih na ini i thaw.

Neiliang ka tre kari da e ko da ka FIR deiwa ong wa da wan booh ko ya ka kari ha lait yung heipor kamwa 2:00 waje i sngi wei manda kieh kamwa 5:00 waje da yoh Phone wa da iñ ko.

Related posts

Yoh jamin sa ar ngut ki dkhot ka KSU, sah sa uwi wa dang chah kset

October 29, 2026

Pynbna ka WJSU ya ki khynnah wa chah jied yow yoh Scholarship neibynta ki 12 bnai

October 29, 2026

Neiliang ki pulit tympleh diñ da wan ki hadien kattu katni por yow tympleh yei diñ.

Katkam ka FIR da ong wa i chah ktah dapoi hadooh Rs 3.5 lak.