Ka JNC Western Zone ynne ka sngi hei yahkhmat u President yong ka, u Hamehi Bamon da lai yachem ki wa u Additional Superintendent of Police ka West Jaiñtia Hills deiwa e leh chirup dei thoh hajrong i ood i naam ki paidbah ha waroh kawi ka District wa da joor ware i chah tooh ki Bike ki Scooty ki bru.
Neiliang ka seiñ da kyntu ko ya uni u heh pulit wow booh ki pulit wa kyrpang neibynta ini kamjooh ki Checkpoint ha ki thaw waphær waphær ha kylleiñ ka District khnang yow ye u pyndooh jait ya kini ki kaam tooh ya kini ki kari ar chaka.
Da ong leh wa kini ki bru wa myllien u leh ya kini ki kaam toh kiwa da jooh chah kem nachwa wei kiwa da lai cha Bangladesh yow yachem wa kiwi ki bru wa leh yeini i kaam.
Ka seiñ da ong ko wa hap wow pait bha ya kini khamtam ha thaaiñ laad Demthring ter-ter ka luti hadooh wa poi cha Bangladesh.
Ka seiñ da pynkynmoo ko yeiwa jia rap nachwa ha Jowai heiwa kini kiwa tooh da pynemkaam ki da ki kari Pick-up yow kit ya kini ki thuk-thuk wa Scooty iwa da yoh leh u riñ da ka CCTV Camera.
Neiliang Addl. SP da kular u wow booh ki pulit wa kyrpang neibynta ini i kaam wei neiliang ka seiñ leh da kular ko wow ya krehlang chirup wa ki pulit.
Ka seiñ da maham ko wa lada chem chwa ko da ka ya kam kini ki bru daw leh ko yeiwa emkaam deiwa pynchitom deiwa eh chwa wow e kti cha ka aiñ.
Discussion about this post